هههههههه هتضحك من قلبك

مرة واحد مخنوق من الدنيا كلها رن جرس الباب الساعة 10 صباحا

فتح الباب لقى وحدة مذيعة بتقله ممكن نعرف بتعمل ايه لما تقوم من النوم
قال انا بقوم من ام النوم !
اروح ام الحمام
افتح ام الحنفية
اغسل ام وشى
اروح ام الغرفة
اقلع ام الترنج
البس ام البنطلون
انزل من ام الشقة
اركب ام الاتوبيس
انزل من ام الاتوبيس
اروح ام الشغل
وبعد ما اخلص ام الشغل
ارجع ام البيت وخلاص
فقالت المذيعة شكرا يا فندم ويلعن ام البرنامج اللي خلانا نشوف
ام وشك
.............
واحد صعيدي كان مسافر

فلما وصل المطار لقاهم مركبين جهاز جديد

عبارة عن مرايا لما تقف قدامها تعرف عنك كل حاجة,

فالصعيدي انبسط و راح وقف قدام المرايا
المرايا قالت: أنت هريدي من الصعيد و عندك طيارة كمان نص ساعة
الصعيدي اتبسط و راح لبس خواجه و راح تاني وقف قدام المرايا,
المرايا قالت: انت هريدي من الصعيد و عندك طيارة كمان ربع ساعة
الصعيدي راح لبس خليجي و راح تاني وقف قدام المرايا
المرايا قالتله, ايوة انت هريدي من الصعيد خليك قاعد تستهبل كده لحد ما الطيارة تروح عليك

.....................
صحفيه تجرى لقاء مع واحد من ملاّك الأبقار
الصحفية : أنت بتأكــــل البقر إيه ؟
المزارع : انهي فيهم البيضا ولا الحمرا ؟؟
قالت : البيضا
قال : البيضا بأكلها برسيم
قالت : والحمرا
قال : و الحمرا برضو برسيم
قالت : طيب بتسكنهم فين؟
قال : انهي فيهم البيضا ولا الحمرا؟؟
قالت : البيضا
قال : البيضا بسكنها في الحوش الي هناك
قالت : والحمرا
قال : و الحمرا برضو بسكنها في الحوش نفسه
قالت : طيب لما بتفسحهم بتعملهم إيه ؟
قال : انهي فيهم البيضا ولا الحمرا ؟؟
قالت : البيضااااااااااااا
قال : البيضا بلف بيها حول الترعه لفتين
قالت : والحمرا
قال : و الحمرا برضو بلف بيها حول الترعه لفتين
قالت : انتا ليه كل مره اسئلك بتقولي انهو فيهم انهو فيهم
وفي الاخر بتعاملهم زي بعض؟
قال : اصل البقره البيضا بتاعتي
قالت : والحمرا؟؟
قال: والحمرا برضو بتاعتي
...........
وحدة حامل في ثلاث توائم يوم الولادة الدكتور بيطلع العيل الأول لقاه نايم وساكت
قعد يضريه على وشه حتى صرخ الطفل

ركنه على جنب وطلع الطفل الثانى لقاح زى أخوه قعد يضربه لما فاق وركنه
جه الدكتور يدور على الطفل الثالث مش لاقيه راح ماشى

وقال للممرضة كملى لأنهم اثنين

بس الممرضة جت تكمل لقت الطفل الثالث طالع براسه بالراحة وبيسألها
هو الراجل اللى بيضرب العيال مشى ولا لسة

....................
مرة واحدة تتدلع على زوجها وتغنيله اغنيه نانسي عجرم

" إهدى حبيبى كدة وأرجع زي زمان"

الراجل طلقها و رجع لأيام العزوبية !
........................
واحد بيقول لمراته ... انا النهاردة عايز رومانسية فى البيت ...
راحت الزوجة سألت امها : يعنى ايه رومانسية يا ماما؟؟

الام : مش عارفة بس احتياطى إنقعى الرز
....................
مرة واحد قال لصاحبه "عاوز أعمل مفاجأة لمراتي في عيد جوازنا "

صاحبه : "هتعمل لها إيه؟ "

" حوديها الصين "

"يا راجل فى عيد جوازكوا العاشر توديها الصين

أومال فى عيد جوازكوا الخمسين هتعمل ايه؟ !!!!!!"

"حروح اخدها ! "
...........................
أليسا وهيفاء وهبي ونانسي عجرم راكبين قطار
وبيتكلموا عن فارس أحلامهم
إليسا قالت : نفسي أتجوز ضابط

هيفا قالت : نفسي أتجوز صيني

نانسي قالت : نفسي أتجوز لاعب كرة مشهور
سمعهم واحد دخل عليهم وقالهم ..

معاكوا العقيد شونج يونج الشهير بأبوتريكة !!
.....................
واحدة بتقول لجوزها اطرد السواق كان حيموتني مرتين في حادثة !

قال لها خلينا نديه فرصة ثالثة
...............
مره واحد تاجر كتاكيت ماشي بالعربيه وفيها كتاكيت

وقفته لجنه تموين وقال له المفتش: الكتاكيت دي بتأكلهم ايه؟

رد عليه وقال له : ذرة يا بيه.....

فقال له المفتش انتو ما بتفهموش حاجة الكتاكيت دي بتاكل علف!!!

وراح عمله غرامة 1000 جنيه !

راح مشي التاجر بالعربيه وهو في الطريق وقفته لجنه تموين تاني

وقال له المفتش انتي بتوكل الكتاكيت دي ايه ؟؟

قال له رد عليه بوكلهم علف يا بيه !

فقال له المفتش انتا حمار انتا بهيم دي بتاكل ذرة !!

وعملل له غرامه 1000 جنيه !

وبعد شويه وهو ماشي وقفته لجنه تموين تاني

وقال له المفتش انتي بتوكل الكتاكيت دي ؟؟

ايه قال له يا بيه انا كل يوم الصبح ادي كل كتكوت جنيه وهو ياكل اللي عايزه

[ندعوك للتسجيل في المنتدى أو التعريف بنفسك لمعاينة هذه الصورة]

ايه الحلوه دى

سالو واحد بخيل طحن تعمل ايه لو الدنيا برد قالداروح جنب الدفايه قالو ولو الدنيا بردت اكتر قال اقرب من الدفايه قالو ولو بردت اكتر قال الزق فى الدفايه قالو طب ولو نزل تلج قال اشغل الدفايه بقى وامرى لله

شكرا يا اخى

رائعه

مع تحيات

(ابوطه)

شكرا لك أخي

كل
عام واتنم بخير

[ندعوك للتسجيل في المنتدى أو التعريف بنفسك لمعاينة هذه الصورة]

رمضان كريم

[ندعوك للتسجيل في المنتدى أو التعريف بنفسك لمعاينة هذه الصورة]

كل سنه وانتم طيبين

[ندعوك للتسجيل في المنتدى أو التعريف بنفسك لمعاينة هذه الصورة]

تحيه خاضه الى مدير المنتدى

مع تحيات

( ابوطه)
[ندعوك للتسجيل في المنتدى أو التعريف بنفسك لمعاينة هذه الصورة]

» اضحك من قلبك (1)
» اضحك من قلبك (2)
» اضحك من قلبك (3)
» اضحك من قلبك (4)
» اضحك من قلبك (5).