حلقــ( عضلة التراي )ـــات التدريب للمحترفين (5)

بسم
الله الرحمن الرحيم
والصلاة والسلام على أشرف المرسلين
سيدنا محمد عليه أفضل الصلاة وأزكى التسليم

حستأذنكم ونكمل مع بعض ان شاء الله باقي عضلات الجسم
وعضلة الترا ي أو العضله ذات الرؤس الثلاثه
العضله ده لازم نعرف انها 3/2 من الدراع وكتير بيعتقدوا ان الباي هيه
الأكبر لكن العكس صحيح طبعا وبتدي منظر خرافه للدراع زي محنا شايفين كده

[ندعوك للتسجيل في المنتدى أو التعريف بنفسك لمعاينة هذا الرابط]

طبعا واضح قوي منظرها وجمالها وحلاوتها وكبرها

والله العضله ده لذيذه جدا ياجماعه ومن العضلات اللي الواحد فعلا يحب
تمرينتها ويستخفها وميعتبرهاش مجهود يعني
وميستصعبهاش وكله يهون عشان خاطر شكل زي اللي فوق ده

كالعاده ان شاء الله حنبدأ بالأساسيات وبعد كده استطالات وبعد كده حنغير في
التمارين ونختم بشغل المحترفين

نسمي ونبدأ

أول تمرين في عضلة التراي :

التسخين على الكابل والكابل في نفس الوقت ( بيعتبر تمهيد لبعد كده )
4 مجاميع * 12 عده
ليه تكنيكين
لما أكون لسه في الأول والوزن خفيف بثبت جسمي زي الصوره كده

[ندعوك للتسجيل في المنتدى أو التعريف بنفسك لمعاينة هذا الرابط]

ولما أتقل الوزن بقه

[ندعوك للتسجيل في المنتدى أو التعريف بنفسك لمعاينة هذا الرابط]


التمرين الثاني : البار على النايم
4 مجاميع في 12 عده برده
وليه تكنيكين زي محنشوف في الصور برده
التكنيك الأول لما يكون لسه الوزن خفيف ومش محتاج معافره بنزل بشويش لحد
قورتي ( الجبهه يعني ) وبطلع تاني

[ندعوك للتسجيل في المنتدى أو التعريف بنفسك لمعاينة هذه الصورة]

وده لما الوزن يكون تقل شويه


[ندعوك للتسجيل في المنتدى أو التعريف بنفسك لمعاينة هذه الصورة]

لكن طبعا الأولاني أفضل لأن بيبقى فيه تركيز جامد قوي لكن التاني بيدي دفعه
لفوق شويه زي السويته كده
طبعا بحاول قدر الامكان أو بحرص اني مفتحشي كوعيني الاتنين عن بعض يعني
يفضلو بالضيق نفسه ميفتحوش لبره

ثالث تمرين : الفرنساوي
4 مجاميع *12 عده
ممكن يتلعب على الواقف وعلى القاعد لكن طبعا الأفضل اللي على القاعد لانه
بيريح الضهر وبيربط الجسم شويه

[ندعوك للتسجيل في المنتدى أو التعريف بنفسك لمعاينة هذه الصورة]

بنزل لأقصى نقطه وبطلع للآخر خالص

رابع تمرين والأخير في الأساسيات : الرفسه
4 مجاميع * 12 عده
في ناس بتلعبها وهما ظهرهم مايل سنه صغيره لتحت لكن التكنيك الصحيح للتمرين
ده هوه اللي في الصوره

[ندعوك للتسجيل في المنتدى أو التعريف بنفسك لمعاينة هذا الرابط]

ده الشكل الصحيح ليه بيكون بفرد الظهر أو لو أعرف أنزل كمان كل ما يكون
أفضل ويحمل على العضله بصوره جيده

كده الأساسيات خلصت

ندخل على التمارين اللي ممكن نغير فيها وبيها

[ندعوك للتسجيل في المنتدى أو التعريف بنفسك لمعاينة هذا الرابط]

لو لاحظنا كده حنلاقي تقريبا أي تسخين أو أي فنش لعضلات كتير قوي بيستخدم
التمرين ده
تمرين فولاذي للي يستمر عليه
بيتلعب في البنش بيبقى وشي لجوه زي الصوره

[ندعوك للتسجيل في المنتدى أو التعريف بنفسك لمعاينة هذا الرابط]

لكن في التراي بخلي وشي لبره زي الصوره أو تقعد على المتوازي بس برده تديه
ظهرك

[ندعوك للتسجيل في المنتدى أو التعريف بنفسك لمعاينة هذا الرابط]

حتقولي حتفرق لما تديله ظهرك حقولك فرق بين السما والأرض من قدام تأثير على
البنش لكن من ورا بنش بسط وأكتر بمراحل على التراي
أقعد على المتوازي بالعكس وجرب بنفسك ؟



[ندعوك للتسجيل في المنتدى أو التعريف بنفسك لمعاينة هذا الرابط]
التمرين ده يعني نقدر نقول بتاع محترفين شويه أو مستوى فوق المبتدا
وبيكون بتدييق الإيد جدا بمستوى أقل من مستوى الكتف بشبر بيدخل فيه البنش
ديق وكمان تراي جميل قوي

[ندعوك للتسجيل في المنتدى أو التعريف بنفسك لمعاينة هذا الرابط]

ممكن يتلعب على العالي أو على المستوي زي محنا شايفين


برده ممكن نغير في تمرين البار على الجبهه بإن احنا نلعبه على العالي أو
على المايل لتحت
زي محنا شايفين كده

[ندعوك للتسجيل في المنتدى أو التعريف بنفسك لمعاينة هذه الصورة]

من تمارين الاستطاله اللي بحبها جدا للتراي

[ندعوك للتسجيل في المنتدى أو التعريف بنفسك لمعاينة هذه الصورة]

وتابع معايه بقيت الموضوع