الفطيــر المشلتت

مفتكرررررررش أكلة ممكن يختلف عليها اتنين

بس بعدها بقى
تعملي رجيم لشهر قدام


ندخل فى المفيد بقى


>>>>>>>>>>>>المقادير<<<<<<<<<<<<<

المقادير دي تعمل فطيرتين حجمهم كبير
**كيلو دقيق
**ماء دافئ للعجن
**معلقة ملح صغيرة


**نصف كيلو سمن سايحة
**زيت للفرد

وعلى فكرة ممكن تشيلي شوية من السمن وتخليه زيت ذرة عشان يبقى خفيف شوية

وفكرة تانية ممكن تشيلي شوية كمان وتخلي مكانه زبدة بلدي
فيبقى
(سمن + زبدة +زيت ذرة)المجموع فى الأخر يبقى نص كيلو


>>>>>>>>>>>>الطريقة <<<<<<<<<<<<


ــ نخلط الدقيق والملح مع بعض
ــ نعجنهم بالمية الدافيةكتييييييييييييييييييييير جدا
لحد ما تبقى عجينة طرية وتسيب من ايدك
بالشكل دة

[ندعوك للتسجيل في المنتدى أو التعريف بنفسك لمعاينة هذا الرابط]

وبعدين بقى نقسم الفطيرة الواحدة لعشرة أجزاء
10قطع مدورة وندهنها زيت ونحطهم فى صينية ونسيبها ترتاح شوية

نيجي بقى للتنفيذ:

نرش التربيزة زيت وناخد قطعة منهم ونفردها بالنشابة ونمطها باليد

لحد ما تبقى رقيقة أوي

ونحط عليها بقى السمن بتاعنا ونفرده عليها بالكامل

[ندعوك للتسجيل في المنتدى أو التعريف بنفسك لمعاينة هذا الرابط]

ونجيب التانية ونفردها بنفس الطريقة ونحطها على اللى فاتت
ونحط عليها بردوا السمن وهكذا
لحد ما نخلص العشرة بتوعنا

....مهمة أوي الحتة اللى جاية دي ...

نطبق الأربع جوانب للداخل وبكدا هيبقى عندنا مربع


[ندعوك للتسجيل في المنتدى أو التعريف بنفسك لمعاينة هذا الرابط]

نلفهم بقى مع بعض كلهم زي السويسرول ـــ زي اسطوانة طويلة كدا ـــ
ونلف الاسطوانة دية بالشكل دة

[ندعوك للتسجيل في المنتدى أو التعريف بنفسك لمعاينة هذا الرابط]

ونسيبها بقى ترتاح شوية

[ندعوك للتسجيل في المنتدى أو التعريف بنفسك لمعاينة هذا الرابط]

بعدين نجيب صينية مدهونة سمن
ونحط فيها الفطيرة
ونفردها باليد بشكل دائري
وندهن الوجه بالقشدة
ندخلها فى فرن ساخن لمدة نص ساعة تقريبا
بس الشواية تكون مطفية فى البداية
نشغلها على أخر عشر دقايق كدا
علشان الوجه ما يتحرقش

وتجيبي عسل بقى وقشدة وفطير
ووداعا للرجيم

[ندعوك للتسجيل في المنتدى أو التعريف بنفسك لمعاينة هذا الرابط]

بالهنا والشفا

ربي سامحني واعف عني ووالدى ّ والمؤمنين والمؤمنات
[ندعوك للتسجيل في المنتدى أو التعريف بنفسك لمعاينة هذا الرابط]