كيف تكون لاعب جيد ومتقن للعبتك

أخواني الاعضاء في هذا الموضوع بأذن الله هتناول المبادئ والتيكتيكات الخاصه بالكونغ فو

"مقدمــه"

أولا : أنت أول ما تبدأ تقول أني نفسي أعمل زي اللي بشوفهم ومحترفي الكونغ
فو أو أي رياضه قتاليه وممكن يكون وزنك ثقيل يا جماعه أنتم لازم يكون
عندكم قوة عزيمه لأنك لما تيجي تبص على مثلا برج عالي لازم تطلعه دور دور
فلازم يكون عندك ثقه بنفسك ودي أهم حاجه هي وقوة العزيمه والاصرار أنك
توصل لقمة البرج مش تيأس وتيجي في نصف البرج وتسيب التمرين

ثانيا : الاستمرار والمواظبه على تمارينك وتبعد عن كل شئ يسبب لك ضيق التنفس مثل السجائر

ثالثا : خطأ شايع بيقع فيه معظم لاعبي ومدربي أي رياضه وبالاخص هذه
الرياضه أن لما يكون الواحد من الوزن الثقيل فيقول أنه يشد عل نفسه في
تمارين السويدي والجري وده غلط لأنك مش هتكون بالقدره أنك تقوم بتمرين
اللي بيقوم به متمري لهذه اللعبه لأنه لياقته طبعا أعلى فطبعا ده هيصيب
الاعب بالاحباط لازم تبدأ بالتدرج واحده واحده ثم الزياده مع التدرج
والاستمرار

رابعا : الجري من أهم الرياضات وطبعا جريك مش يكون سريع لازم تجري جري
هروله ولازم تقفل فمك وتتنفس من الانف هي صعبه في الاول ولكن بعد كام مره
هتتعود عليها وجرب هتلاقي نفسك بتجري ضعف اللي أنت كنت بتجريه وهتساعدك في
الاشتباكات لأنك بتكون حاطط جمب في فمك ولازم تتنفس من أنفك فهتكون متعود
طبعا

خامسا : تحترم وتسمع كلام مدربك مهما كان سنه لأنه أعلم منك.

ودي هي المبادئ الاساسيه لأي لعبه قتاليه وأنتظروا مني بأذن الله أهم التمارين وطرق الاشتباكات

بعد متكلمت على المقدمة نيجي للتدريب

أنا هتكلم في الموضوع ده على الوثب وده من أهم التمارين المساعده للاعبي الكونغ فو .

من أهم التمارين هي الوثب أو القفز لأنها بتساعد في تنظيم الدوره الدمويه وطبعا ده من التنفس المنتظم من الانف أثناء القفز

وأيضا بتساعدك في تقوية عضلة السمانه مما تؤدي الي تقوية الضربات الاماميه وطبعا بتساعدك في الضربات الطائره التي تحتاج قفزات عاليه.

نيجي لبعض التمارن الخاصه بالوثب

طبعا الحاجه المعروفه للجميع نط الحبل وده من التمارن المهمه جدا اللي
بتساعدك في أداْ التمرين ده بثبات وانتظام وومكن مع الاستمرار تغير من
سرعت لف الحبل من البطئ الي السريع وأيضا في الاتجهاه الدوران من الامام
الى الخلف ومن الجانبين وبقدم واحده ثم القدم الاخرى مع ملاحظه هامه جدا

أنك لما تكون مبتدأ في نط الحبل لما تيجي تتمرن على قدم واحده لما تيجي
تغير القدم الثانيه متغيرش على طول يعني تنزل رجلك المرفوعه على الارض
وتنتظر ثانيه ثم ترفع القدم الاخرى

طبعا كلنا عارفين الوثب الحر وده تمرين مهم جدا وهتبدأ بالتتابع مع مستوى
القفز من البطئ الي السريع ثم هتريح قليلا وفي خلال هذه الراحه هتقوم
بتمرين التنفس وهو :

تقف معتدل باعد بين قدميك قليلا خذ نفس عميق من أنفك مع رفع رأسك ويديك
الى الاعلى ثم اذفر النفس بالبطئ من فمك مع النزول بيديك ورأسك الي الارض
ما بين قدميك مع التكرار أستمر في هذا التمرين أسناء كل راحه لك وصدقني
التمرن ده مهم جدا

نرجع لباقة التمرين بعد الراحة وتمرين التنفس ولا تزيد هذه الراحه عن دقيقه واحده

تبدأ بالقفز ثانيه ثم تبدأ برفع جسمك على قدر المستطاع أي قفز عالي لمدة 10 عدات ثم قفز عادي وتكررها لمدة 4 مرات وتعود الي التنفس

ثم تعود الي القفز تاني وتبدأ برفع قدميك الاثنين الى الاعلى وهم متنيين
يعني تحاول تخللي ركبتك تلامس صدرك وطبعا دي صعبه بالنسبه للمبتدأين
هتحاول توصل بيهم على قد ما تقدر لفوق وتكررها بالاستمرار لمدة 20 عدة
وتأتي الي الراحه ولكن هذه المره الراحه تختلف يعني راحتك هتعملها هي
الوثب الخفيف جدا مع التنفس من الانف وبعدين ترجع للقفز ولكن المره دي
هترفع رجليك الي الداخل يعني هتخلي قدميك اي بطن رجليك تحول توصلها لبطنك
وضهرك طبعا مفرود ثم الراحه بالقفز الخفيف ثم تقفز الى الاعلى على قد ما
تقدر لفوق مع الرجوع الى ظهرك الى الخلف ودي معظ التمارين الخاصه بالقفز
ودي طبعا مش كل التمارين بس دي من حيث العموم ومع التقدم هشرح التمارين
المتقدمه وهحاول أصاحبها بالصور

وف حاجه مهمه جدا بعد تمريت القفز أو الجري لازم تقوم بتمارين الاطالات ودي هشرحها قدام شويه بأذن الله.

» تمارين تصحصح الجسم وتجعلك لاعب تايكوندو جيد
» المحلة ترفض طلب الزمالك ضم صلاح سليمان لاعب وسط المنتخب الأوليمبي
» كيف تكون متميزاً في الكاراتيه
» موضوع متكامل عن الكاراتيه ان شاء الله
» متى تكون طاعة المخلوق شركاً أكبر