سؤال وجواب .. لجميع استفسارتكم في رياضة الكونج فو

بسم الله الرحمن الرحيم

اهلا بكل اعضاء الرياضات القتاليه الكرام

هناك العديد من الأمور التي تشغل بال اغلب الأعضاء ويستفسرون عنها دائما والخاصه برياضة الكونج فو

لذلك قررت عمل موضوع في صورة سؤال وجواب يشمل على العديد من الأستفسارات التي تشغل بال الأعضاء

وان شاء الله ستجدون الأجابه على كل استفساراتكم

برجاء الأطلاع على هذا الموضوع قبل البدء في عمل اي استفسار

[ندعوك للتسجيل في المنتدى أو التعريف بنفسك لمعاينة هذه الصورة]

نبدأ على بركة الله

اولا : ماهو الكونج فو

---------------

ماهو الكونج فو ؟؟

الكونج فو هو فن قتالي صيني ويعتبر من اقدم الفنون القتاليه ان لم يكن اقدمها

ماهو الووشو ؟؟

الووشو هو الأسم الحديث للكونج فو

ما هي فروع الكونج فو ؟؟

الكونج فو ينقسم الى سندا واساليب

السندا : تستخدم فيها ضربات رجل - ضربات يد - طرح
وبطولتها قتاليه بين طرفين وليها بطولاتها المحليه والدوليه

الأساليب : بتنقسم الى جزئين (قتالي - عرض)
القتالي نادر تعلمه في مصر
الأستعراضي موجود وبيتم فيه التدريب على اساليب شماليه او جنوبيه ومنها اساليب الحيوانات المعروفه
وبطولاتها ليست قتاليه ولكنها عرض فقط للأسلوب المحفوظ

هل مانراه في افلام الكونج فو من جري عالأشجار وغيره .. حقيقي ؟؟

بالطبع لأ .. الكونج فو كأي رياضه قتاليه ستتعلم من خلاله كيفية الدفاع عن نفسك
والسرعه الهائله في ارسال الضربات

[ندعوك للتسجيل في المنتدى أو التعريف بنفسك لمعاينة هذه الصورة]

الكونج فو و انا

------------

ماهو السن المناسب لممارسة الكونج فو ؟؟

كلما مارسة الكونج فو مبكرا كلما كان افضل لأنه يحتاج مرونه ولياقه عاليه
وبالطبع تلك اللياقه و المرونه يكون سهل الحصول عليها كلما كان سنك صغير

هل الكونج فو محتاج مرونه ولياقه بدنيه عاليه ؟؟

نعم بالتأكيد

ماذا افعل اذا كان سني كبير و اريد ان امارس الكونج فو ؟؟

لا يوجد مشكله .. يمكنك ممارسته لكن لن تكون بالشكل الذي تحلم بيه والخاص باللياقه
ولكنه سيمدك بتكنيكات و طرق تستطيع بها الدفاع عن نفسك في اي موقف

اذا كان لدي عزيمه و اراده واحب الكونج فو هل يمكن ان احصل على لياقه حتى لو سني كان كبير ؟؟

لا يوجد مستحيل طالما كان لديك اراده وصبر .. لكن اعلم جيدا انها ستحتاج منك وقت ومجهود و جهد كبير جدا

متى استطيع الأشتراك في البطولات ؟؟

ده بيرجع لأخلاصك في التدريب و سماع كلام المدرب و عمل كل مايقوله لك
والمدرب سيكون ادرى مني بالوقت الذي يسمح لك بدخول بطوله

[ندعوك للتسجيل في المنتدى أو التعريف بنفسك لمعاينة هذه الصورة]

ثانيا : الكونج فو والنادي
--------------

ماهي النوادي الذي تنصحني بها في القاهره ؟؟

نادي اتحاد الشرطه - الترسانه - الجزيره - الشمس
وابتعد عن الصالات الخاصه و النصابين

النوادي في اسكندريه ؟؟

الظاهريه - الهلال الأحمر - مبارك - الحرمين - سموحه - محرم بك

ذهبت للنادي .. كيف اعرف ان التمرين صحيح او المدرب جيد لأستمر معه او لأ ؟؟

لازم تعرف وتسأل انت حتتدرب على ايه
انت مفروض تتمرن على ( سندا - اساليب - لياقه - طاقه داخليه)

لو لقيت المدرب في النادي بيمرنك على سندا فقط وكل ماتروح التمرين يلبسك الهيد جارد والهوجو و ينزلك فايت
قوله شكرا ماعطلكش وسيب التمرين لأن ده مش كونج فو .. وروح العب كيك بوكس احسن

لازم تتدرب على ال 4 عناصر المذكوره .. هو ده الكونج فو

لو مالقتش نادي بيدرب ال 4 عناصر دول .. اعمل ايه ؟؟

لو انت عايز تستمر ويبقى هو ده تمرينك ( سندا فقط ) مافيش مشاكل
بس بقولك لتاني مره ده مش كونج فو
لو مش عايز ممكن تلعب اي رياضه قتاليه اخرى وارشحلك الجودو او الكيك بوكسينج

الأشتراك تقريبا كام في النادي ؟؟

بيختلف من نادي لأخر .. ممكن تروح تسأل بنفسك او تتصل هاتفيا وهم حيقولولك

النهارده رحت النادي لقيت ناس بتعمل باك دايفينج و عجله و شقلبات غريبه وانا مش عارف اعمل حاجه ؟؟

ده العادي واللي انت شايفه قدامك بيعمل باك ديفينج ده اول ماشترك في النادي كان زيك وفي نفس لياقتك
وبرضه شاف ناس بتعمل نفس الحركات لكن هو عنده صبر و التزم واخلص بالتمرين لغاية مابقى زيهم وممكن تساله

ماتحطش نفسك في مقارنه مع اي حد في اول يوم تدريب ليك لأنك بكده بتظلم نفسك .. سيبك من اللي بتشوفه والتزم بالتمرين
وان شاء الله تبقى احسن منه
ولازم تعرف انه ماتولدش بيعمل باك دايفينج !!!

[ندعوك للتسجيل في المنتدى أو التعريف بنفسك لمعاينة هذه الصورة]

ثالثا : الكونج فو والرياضات القتاليه الأخرى
--------------------------

فيه مشكله لو لعبت جيم بجانب الكونج فو ؟؟

لا مافيش مشاكل .. بس عايز اقولك ان تمارين السويدي حتخلي جسمك جميل و فيه عضلات ومش محتاج تلعب جيم
لكن لو حابب مافيش اي مشكله .. الجيم مش بيعارض الكونج فو .. بس ماتلعبش على اجهزه الرجل علشان البرجل
وعايز اقولك ان جاكي شان نفسه بيلعب جيم

فيه مشكله لو لعبت رياضه قتاليه اخرى بجانب الكونج فو ؟؟

ماتحاولش تشتت نفسك وركز في رياضه قتاليه واحده افضل
الكونج فو حيغنيك عن اي رياضه قتاليه اخرى بجانبه لأن فيه ضربات قدم - و ملاكمه - وطرح

اما اذا كنت مصمم على ممارسة رياضه اخرى بجانب الكونج فو
انصحك بالجيوجيتسو او الجودو لأهتمامهم بالجزء الخاص بالجرابلينج

ما الأقوى الكونج فو ام ..... او .... او ..... الخ ؟؟

كل الرياضات القتاليه قويه .. المهم هو حبك للعبه واخلاصك في التدريب

[ندعوك للتسجيل في المنتدى أو التعريف بنفسك لمعاينة هذه الصورة]

اعتقد ان دي هي اغلب الأسئله التي يستسفسر عنها اغلب الأعضاء دائما

ان شاء الله اكون قدرت اقدملكم حاجه

ولو فيه اي استفسار اخر برجاء وضعه في الموضوع وسأقوم بالرد عليه ووضعه في هذه المشاركه

لتكون موسوعه لكل من يرغب في ايجاد معلومه خاصه بالكونج فو

اتمنى ان الموضوع يكون عجبكم

ويارب اشوفكم كلكم ابطال في اللعبه

بس ابقوا افتكروني ساعتها هههههههههههه

والسلام عليكم ورحمة الله وبركاته

وليا مداخلة صغيرة:

ان مش كل الكباتن بتمرن العناصر الاربعة( سندا -اساليب- لياقة-طاقة داخلية), ودا فى نظرى لسبب من 2:
1- اما انه كابتن عايز فلوس من ورا البطولات وخلاص فبيمرن سندا على كام حركة وشكرا
2-اما ان هنالك لاعبين غير مؤهلين للعب الاساليب واخص بالذكر(الشمالى والجنوبى والتايشى), ومنهم الكثير من اللعيبة , فهنالك من الكباتن اللى له نظرة فى اللعيب , يشوفه اذكان بتاع ساندا بس ولا سندا واساليب

صح ولا غلط؟ -دى وجهة نظرى-

اما عن الطاقة الداخلية فحدث ولا حرج , اغلبية الكباتن معلوماتهم عن الطاقة الداخلية مثل معلوماتهم عن الانشطار النووى -يعنى مش عارفين حاجة- وانا شايف ان ممكن ناس منهم بتالف تمارين -ما انزل الله بها من سلطان- ودا الكارثة فى حد ذاتها, لان العبث فى حاجة خطيرة ذى التنفسات الخاصة بالجسم , دا ممكن يجيب بلاوى ماتتحلش الا ببرنامج علاجى باهظ ومكلف

وشكرا يا احمد على موضوعك اللى اعتقد انه يجيب عن جميع الاستفسارات المتعلقة بالكونغ فو

__________________

[ندعوك للتسجيل في المنتدى أو التعريف بنفسك لمعاينة هذا الرابط]

تستاهل الف كلمة شكر على المجهووووووووود الجبار اخي
ابو طة
و المنتدى للازدهار بتواجدك المميز و متابعتك للمواضيع

» ۞ ۩ سلسلة تعلم اساسيات الكونج فو خطوه بخطوه ۩ ۞
» لمحبى الالعاب القتالية تاريخ رياضة الملاكمة
» •-=:[¯*^~ تكنيكات الكونج فو للدفاع عن النفس ~^*¯]:=-•
» --_ اسطوانة الكونج فو للدفاع عن النفس _--
» تعلم الكونج فو من الالف للياء